نكت جزائرية ولا اروع اتحداك ما تضحك

1-قالك وحد النهار واحد يكذب بزاف راح عند صحابه قالهم روحت لبلاصة ما فيها لا حجرة لا شجرة

قالهم خرجلي ذيب ايا خزنتله مورا شجرة قالوله مشي قلت ما فيهاش الشجر قالهم لا لا لا خزنتلوا مورا حجرة

قالولوا مشي ما فيهاش لحجر قالهم امالا كلاني

__________________________________________________ ______

2-قالك وحد النهار حمار عرض حمارة لداره شافت صورة تاع حمالا وحشي قالتلوا هذا

شكون قالها عمي كي كان يلعب مع جوفنتوس

______________________________________________

3-قالك وحد النهار واحد كان محشش راح لدارهم لقى خوه راقد راح جاب

شفرة وقطعلوا راسوا وقال ليماه كي غادي ينوض خويا وما

يلقاش راسه غادي يموت بالضحك

_______________________________________________

4- قالك وحد المرة زوج تلاميد جاو متاخرين للقسم سقساهم المعلم

قالهم علاش تاخرتوا حا الاول قاله حلمت روحي مسافر بطيارة

قاله المعلم جمع سقسا التاني وناتا علاه التاخير

قال التلميد كنت نودع فيه فالمطار

__________________________________________________

5-

قالك وحد الخطرة مرا كانت تعلم في ولدها الادب قالتله لو كان تعطيك

جارتنا برتقال شا تقولها قالها نقوللها

قشريهالي

__________________________________________________ ______

6- قالك وحد المر ا سقسات ولدها قالتله لو كان تعطيك جارتنا الانسة زوزو شوكولا

شا تدير قالها نقسمها على زوج ندي قطعة ونقولها تبةسني ونزيد الزاوجة ونعاود

نقولها تبوسني

__________________________________________________ ___

7-قالك وحد المرا قالت لولدها علاه كي عطاك خالك الدراهم ما قتلهش صحيت ا قاتله روح

وقوله صحيت يا حمار ايا راح الطفل عند خاله وقال له شكرا

يا حمار

8-قالك وحد النهار راجل وولده ومرته راحوا للمتحف ايا الطفل سال ولده قاله بابا شا هدا قاله ما علاباليش

عاود الطفل قعد غي يسقسي بابا ه والب يقول ما علاباليش ايا جات الام قالت للولد ايا سكت ايا جا الاب قالها خليه

يسقسي باه يتعلم

______________________________________________

9- قالك وحد المرة استاد سال تلميد لمادا التاخر جا التلميد قاله بابا ضرب خويا ايا الاستاد قال ونتا شا دخلك

قال التلميد ضربه بصباطي