نكت مصرية راااااااااائعة

واحد مسطول اتصل بالشرطة وقالهم يعني لو احنا مسألناش انتوا ما تسألوش

------------------

صعيدي جاله مسج حلو إنبسط وضحك

إتصل باللي بعتها وقاله: والنبي تبعتها تاني

------------------

واحد صعيدي شاف واحدة حلوه فى الاتوبيس عجبته ... لما نزل خد رقم الأتوبيس ...

------------------

فار سكران نام جنب قطه ميته ... لمافاق قال أنا عارف نفسي لما اسكر بفتري

------------------

بخيل حلم إنه بيوزع فلوسه علي الفقراء،

لما صحي قال أبقي عيل لو نمت تاني ...

------------------

إتنين مساطيل .. واحد سأل التانى

إنت أقرع ليه !!

قاله من الزمن ..
قاله بلاش تحلق عنده تانى

------------------

غبي راح يخطب واحدة ..

أبوها قاله : البنت لسه في المدرسة ...

قاله خلاص آجي بالليل ..

------------------

موبايل بيقول لشريحته انتي طالق .. قالتلو يخرب بيتك .. ورصيدك أللي في بطني ..

------------------

خروف بيقول لمعزة

باء.باء.باء.باء بحبك

فالمعزة قالتله
ماء.ماء.مخطوبه

-------------------

عريس مسطول على الآخر في يوم فرحه..

بعد المعازيم ما مشيو دخل البيت لقي العروس قاعده..

قال : والله أنا كنت عارف إنهم في الهيصة دي هينسوا حد !

-------------------

واحدة ماشية مع حبيبها بتقوله قولى كلمة تخلى قلبى يدق .. قالها أبوكى ماشى ورانا ...

-------------------

واحد قبل ما يموت جمع أولاده التلاتة وحب يوصيهم يفضلوا ايد واحدة .. قام اعطى لكبيرهم عود خشب كسره بسهولة ... اعطاه اثنين كسرهم بسهولة ... اعطاه خمسين عود كسرهم بسهولة ... قالهم طالما معاكم البغل ده مفيش خوف عليكم ..

-------------------

اتنين حرامية دخلو شقة واحد صعيدى علشان يسرقوها ... واحد دخل حجرة النوم ولما حسّ ان الصعيدى هيصحى راح داخل البلاكونة .. شوية والصعيدى دخل البلاكونة لاقاه .. سأله انت بتعمل ايه هنا .. قاللو انا طيار مصري وكنت بحارب طيار إسرائيلي وانا راجع البنزين خلص منى فتحت البراشوت ونزلت على البلاكونة بتاعتك (قاللو هيا دي الرجالة مش التانى اللي قاعدلى فى البانيو وبيقوللى من الضفادع البشرية)

-------------------

مرة اتنين صعيدة فكرو يلعبوا شطرنج الملك ضرب نفسة بالنار ..

-------------------

نكتة على بياض

-------------------

اثنين خرجو من الامتحان واحد بيقول للثانى : عملت ايه فى الامتحان قاله : اسكت! أنا سبت الورقه فاضيه .. قاله : الله يخرب بيتك ها يفتكرونا غاشين من بعض ..

-------------------

مرة صعيدي طلعله عفريت علاء الدين وقال له شبيك لبيك خدامك بين ايديك

قال له عايز كوبري من الصعيد الى نيويورك

قال له مستحيل شوف طلب غيره

قاله طيب خلي الصعايدة يفهموا

العفريت فكر شويه وقال له عايز الكوبري اتجاه واحد ولا اتجاهين ؟

-------------------

اتنين مساطيل حبوا يسرقوا عماره فقالوا لبعض احنا ناخد العمارة بعيد ونسرقها برحتنا ، فقلعوا الهدوم وقعدوا يزقوا فى العمارة يزقوا ، جه واحد من وراهم وسرق الهدوم ، فواحد منهم بص ورا ملقاش الهدوم فقال له كفاية كدة احنا بعدنا اوى

-------------------

واحد بلدياتنا وقع على السلم فظهره وجعه .. راح للدكتور.. فكتب له مرهم وقال له إدهن مكان الاصابة.. فراح دهن السلم

-------------------

تلاتة بلدياتنا راكبين قطار واحد طلع راسه من الشباك جا قطار فى الاتجاه المعاكس طيرها. الثانى طلع ايده جا قطار وطيرها قعد يسرخ و يصوت الثالث قال أخوك راسه طارت ماسمعناش صوته وانت اًُُُُلى ايدك طارت عامل دوشه!!!!!!!

-------------------

مراهق قعد على القهوة مع أبوه نادى القهوجي على جنب وقالو بصوت واطي هاتلي واحد بيرة بس حطه فى فنجان شاي علشان أبويا مايخدش باله فصاح القهوجي وقال ... وعندك واحد بيرة في فنجان شاي وصلحووووووووووووو...

-------------------

بلدياتنا سافر امريكا واصحابه نصحوه ياخد معاه 3 بلاليص " مـِـشّ " علشان الاكل الامريكانى مش حلال بس نبهوه يسمِّى قبل ما ياكل عشان الشيطان مياكلش معاه.... اول شهر اكل البلاّص الأول بس نسى يسمى ، تانى شهر برضه نسى يسمى ، ثالث شهر طلع له الشيطان قال له:"ابوس ايدك سمِّى ، صدرى اتحرق

منقول للامانة

ههههههههه نكته حلوة تسلم ايديك اخي الفاضل

سررت كثيرا بتواجد في الموضوع

منورة الموضوع اختي الله لا يحرمنا من تواجدك

تحياتي ليك

[ندعوك للتسجيل في المنتدى أو التعريف بنفسك لمعاينة هذه الصورة]

مشكوووووووووووووووووووووووووووووووووور

تقبلي مروري

منوورة الموضوع بتواجدك فيه اختي الفاضلة

تحياتي لك

ههههههههههههه
نكت رائعة
يسلمووووووووووووووووووو

نورتي الموضوع بتواجدك فيه

الله يديم تواصلكم معنا