اعرف شخصيتك من طريقة ضحكك بالمنتدى

هههههههههههه :
صاحب الضحكه هذه .. وسيع صدر .. مرح .. طيب .. لكن مجامل بشكل كبير .. مسالم
وعلى نياته .. دايما مبسوط وبارد .. اي شيء انه يضحك احيانا في مواقف غلط !! .
يعني مواقف حزينه يجيك يضحك يصير ودك انك تصكه معه ... غبي .. بس مملوح.

ههههههههههههاي اهم شيء الياء:
انسان شايف نفسه متكبر .. ضحكه قليل .. متسلط ويحس بالنقص .. ثقيل دم .. احسن .

هاهاهاهاهاهاها بنفس الترتيب:
انسان مرتب .. يعني اذا دخلت غرفته ما تلقى فيها عود طايح .. كل شيء منظم ومرتب
حتى الضحكه .. مثقف ويلبس نظارات اكبر من وجهه .. لا يضحك كثير بس يبتسم عاده تلقى عنده الحل .. لو مالقيت الحل
اهم شيء ترتاح ..

نياهاهاها :
انسان شرير .. يموت في النذاله والشر .. قمه الوناسه عنده انه يرج ببسي
ويعطي احد يفكه له .. عيونه يطلع منها شرر .. مركب ضروس ذهب عشان اذا ضحك تلمع
واحسن طريقه للتعامل مع هالنوعيه هو العمل بالمثل "ابعد عن الشر وغني له" ..
لكن مهما حاولت تبتعد عنه هو بيجيك لكن انتبه تعطيه فرصه به ..

هعهعهعهعهع باللخبطه هذه:
انسان مضيع بمعنى الكلمه .. يعني لو تساله عن اسمه قال ممكن الاتصال بصديق عشان
الموضه يعني .. اذا مضطر تدخل غرفته .. افتح الباب من بعيد عشان لا قدر الله
وطاح شيء ولاش ...
انسان لو تصفق فيه وتهزئه ما درا عنك يحسبك تتكلم عن ولد الجيران .. الدنيا ما
قامت ولا قعدت عنده .. الشيء الوحيد اللي يستفزة انك تتكلم على امه او ابوه.

هه هه هه هه :
انسان متردد .. يفكر 60 مره قبل لا يسوي شيء .. رومانسي .. يراعي مشاعر
الاخرين .. خدوم يحب يساعد حتى لو ما يقدر يدبرها .. ان صادفك احد من هالنوع
تمسك فيه بيدينك ورجولك لان النوعيه هذه نادره...ومهدده بالانقراض.

كعكعكعكعكعكعكع :
انسان "فيل" يتراوح وزنه ما بين 100 -150 كيلو استمد ضحكته من كثر الاكل .
كريم جدا لحد الاسراف خصوصا اذا كانت السالفه فيها اكل .. ما يطلع من البيت

خخخخخخخخخخخخخخ....
انسان مرتب نوعا ما... متوسط البنيه..يحب الاكل في المطاعم...مع انه لا يحب تغيير مطعمه المفضل...هادئ بسيط لا يضحك كثير..